السلام عليكم إخوتى الكرام...
بدايةً أعتذر لكم بشدة عن حذف الموضوع السابق بعنوان (لأ...مش وردى) وطبعا حُذف معه -للأسف الشديد- تعليقاتكم الجميلة وده للسبب اللى هقوله لكم حالاً بإذن الله .
أمس أيقظنى حبيبى وصديقى :)) الصدوق-د/أحمد عبد العدل-كالعادة وأنا (مرمى) على القعدة العربى اللى فى السكن الساعة 10 الصبح وهو بيقولى:(الحق مدونتك فيها بلاوى سودة !!) ... قمت كالملسوع ودخلت على المدونة وفوجئت بواحد -الله يهديه هو وأمثاله- وقد عاث فساداً فى مدونتى وبعض المدونات الصديقة بتعليق فى منتهى قلة الأدب ...
وزاد الطين بلة أن النت رخم عليا ولم يستجيب لحذف هذا التعليق السخيف مراراً وتكراراً ... وفى نهاية المطاف لم أجد سبيلاً إلا حذف الموضوع بأكمله وطبعاً اتحذف معاه التعليقات كلها :((
وأزيدكم فى الشعر بيتاً أنى لم أكن أحتفظ بنسخة أخرى من هذا الموضوع ...ولكم أن تتخيلوا المأساة -وحسبى الله ونعم الوكيل-...
وأما عن الشعور اللذى راودنى ساعتها فهو مزيج من الغضب والإشفاق على هؤلاء الغافلين عن عاقبة مايفعلون بأنفسهم فى المقام الأول ثم بغيرهم من الشباب ... هل يعتقد هذا الشاب اعتقاداً جازماً أنه موقوف بين يدى الله عز وجل يوم القيامة ومسؤول عن كل صغيرة وكبيرة فى حياته؟؟
هل أعد جواباً يدافع به عن نفسه عندما تُعرض عليه صحيفته وقد سُجل فيها هذا التعليق وهذه الصور الفاضحة ويسأله ربُه عنها؟؟؟
هل يعلم كم سيئة أخذها عن كل شخص نظر إلى تلك الصور ؟؟؟
هل يعلم كم من شابٍ سيُفتن بهذه الصور بل ويحاول أن يتعدى مرحلة الصور هذه إلى ما هو أعظم وأشد خطراً وإثماً ؟؟؟
{يومَ تشهدُ عليهم ألسنتهم وأيديهم وأرجلهم بما كانواْ يعملون**يومئذٍ يوفيهم اللهُ دينهم الحق ويعلمون أن الله هو الحق المبين}
{وبدا لهم من اللهِ مالم يكونواْ يحتسبون}
{ألا يظن أولئك أنهم مبعوثون**ليومٍ عظيم**يوم يقوم الناس لرب العالمين}
وفى النهاية أعتذر لحضراتكم عن حذف الموضوع بالتعليقات وعن هذا التعليق -إن كان حصل وقرأه حد فيكم-....
وهستأذنكم وأنا فى منتهى الخجل منكم من كتر الاعتذارات -بس ده طمع منى فى كرم أخلاقكم- إنى أشرف بشكل مؤقت على التعليقات-مكرهٌ أخاكم لا بطل- ... وحسبى الله ونعم الوكيل !!!
آسف على الإطالة ... وشكراً
حصل خير : )
ردحذفوياعم ولا تزعل أدي الموضوع اللي فات
ردحذفده رابط الصورة
http://4.bp.blogspot.com/_3OWH3G9g0b0/SuG2PFT4lbI/AAAAAAAAACQ/uxvx0ufbci0/s320/01_01_24---Flock-of-Birds_web.jpg
وده الموضوع
--------------------
(ياابنى انتا هتفرسنى..؟؟!! إنتا مش عايش معانا على الأرض ولا معندكش مشاكل زينا..؟؟ إش حال إنتا متغرب زينا وكاتب كتابك ووراك التزامات..؟؟نضارتك وردى أوى كده ليه..؟؟)هكذا قال لى وهو فى منتهى الضيق والخنقة...
قلت محاولا امتصاص غضبه (طيب صلى على النبى وهدى نفسك وأنا هشرحلك وجهة نظرى...أنا هثبتلك حالا إنى واقعى جدا وعملى والنضارة بتاعتى مش وردى ولا حاجة)...هدأ قليلا ليسمع ما سأقوله بنفاذ صبر...فاستطردت كلامى (احنا-ولله الحمد والمنة-مؤمنين بالله وربنا سبحانه وتعالى قال"وما من دابة فى الأرض إلا على الله رزقها ويعلم مستقرها ومستودعها كل فى كتاب مبين" "إن الله هو الرزاق ذو القوة المتين" والنبى عليه الصلاة والسلام قال <>يعنى بتصحى الصبح تسعى وتدور على رزقها وهى جعانة وآخر النهار ترجع شبعانة وآخر تمام...بعد كل ده عاوزنى أنرفز نفسى ليه وأضايق ليه ؟؟ طالما إنى مش مقصر فى المجهود حتى لو العملية أزمت شوية مش مهم ماهو ربنا اللى قال كده "الله يبسط الرزق لمن يشاء من عباده ويقدر له إن الله بكل شيئ عليم" يعنى يوسع فى الرزق لمن يشاء ويضيق على من يشاء لحكمة هو أعلم بها...ده من الناحية الدينية...حلو كده؟؟
ثانيا من الناحية الواقعية افترض إن شخصين خسروا خسارة مادية كبيرة...احسبها بالعقل كده مين خسران أكتر اللى هيتضايق وينرفز نفسه ويحبط ولا اللى هيقول خلاص قدر الله وماشاء فعل اللهم أجرنى فى مصيبتى واخلف على خيرا منها ...الأول طبعا خسران أكترلأنه مش بس خسر ماديا ده كمان نفسيته تعبت وثقته فى نفسه اتهزت أما التانى خد حسنات وحافظ على نفسيته وهيبقى عنده أمل يحاول ويجرب وأكيد فى محاولة منهم ربه هيكرمه وينجح عشان رضى بقضائه وتوكل عليه "ولله غيب السماوات والأرض وإليه يرجع الأمر كله فاعبده وتوكل عليه وما ربك بغافل عما تعملون"...شفت الفرق بقه مع إنهم الاتنين خسروا نفس القيمة المادية ... بس شتااااان...سبحان الله ) .
سكتنا لبرهة ثم أخذ نفسا عميقا وتبسم-أخيرا-ابتسامة خفيفة ثم قال ( عندك حق...الحمد لله على كل حال ) ...
------------------
لا سحر ولا شعوذة هههههه
جزاك الله كل خييييييييير....
ردحذفوالله إنت راجل محترم وأنا حبيتك لله فى لله كده من غير ماأشوفك.... ألف شكر على الواجب الجامد ده :))
بس عليه العوض فى التعليقات بقه!!!
وعليكم السلام ورحمة الله وبركاته
ردحذفطيب مبدئيًا حصل خير
لأني بعد ما كتبت تعليق طويل عريض عملت حركة زكية جدا وغييرت الصفحة قبل التعليق ما يتبعت
المهم خلاصة الكملام كنت بقول الحمد لله قدر الله وماشاء فعل
وآدي البوست رجع أهو لو حبيت تنزله تاني معندناش مشاكل نعلق عليها تاني
وأي خدمة
وربنا يهدينا جميعا
وكنت بفكر أثناء قراية البوست أقولك اعمل اشراف على التعليقات
لقيتك قلت في الاخر انك بالفعل عملته
فكويس الواحد برضه لازم يعمل حسابه